Nesta guía atoparás os pasos necesarios para poder instalarlle á tua Escornabot Luci o firmware que fai que funcione. O firmware instálase no Arduino Nano (microcontrolador), e podes facelo antes ou despois de telo xa montado no robot.
Material necesario
Antes de continuar precisas tres cousas:
1. Ordenador + cable USB
Ademáis do propio Arduino Nano (esté montado xa no robot ou non), precisarás do teu ordenador e un cable USB para conectalo a él: trátase dun cable USB estándar, aínda que pode ser de varios tipos, dependendo de que modelo específico de microcontrolador Arduino Nano leve o teu robot e que tipo de portos teña o teu ordenador.
2. IDE de Arduino
Trátase da contorna de desenvolvemento integrada (Integrated Development Environment) de referencia (é dicir, do propio fabricante) para os microcontroladores da familia Arduino, e que podes descargar gratuitamente dende a propia web de descargas de Arduino.
Aconsellámosche que instales a versión de escritorio (Desktop) que non precisa conexión a Internet unha vez instalada. Asegúrate de instalar a versión que corresponda co teu ordenador (Windows, Linux ou Mac).
Se precisas axuda para instalo, podes seguir as indicacións dos propios creadores.
3. Biblioteca do Escornabot (inclúe o firmware)
O firmware é o programa que se instala no propio microcontrolador Arduino Nano de Luci, encargado de facela funcionar. Está dispoñible como parte da biblioteca de Escornabot para o IDE Arduino.
Para instalar a biblioteca de Escornabot (Escornabot-lib) no IDE, tes que:
- Abrir o IDE de Arduino (que instalaches no paso anterior)
- Abrir o Xestor de Bibliotecas dende a barra lateral ou a través do menú
Herramientas → Gestionar bibliotecas... - Poñer o termo
Escornabot-libno campo de búsqueda - E facer clic no botón
Instalarque está ao lado do número ca versión da biblioteca Escornabot-lib by ROBOteach (ollo con instalar outra biblioteca distinta, fíxate que sexa a que pon ROBOteach).
Toda a información sobre a biblioteca Escornabot-lib está dispoñible no seu propio repositorio, que podes consultar: https://github.com/roboteach-es/escornabot-lib.
Procedemento de instalación
Unha vez descargado e instalado o IDE de Arduino, e instalada a biblioteca Escornabot-lib, so che queda o proceso de instalación no propio Arduino Nano de Luci. Podes facelo con estes simples catro pasos:
1. Abrir o firmware que está dispoñible no menú Archivo → Ejemplos → Escornabot-lib → Firmware do propio IDE de Arduino.
2. Conecta o Arduino Nano (de Luci) ao teu ordenador usando o cable USB apropiado (o ordenador debería recoñecer o novo dispositivo).
3. Selecciona a placa e porto no IDE de Arduino dende o menú Herramientas cos valores apropiados, tal e como se ven na imaxe: Placa (=Arduino Nano), Procesador (=ATmega328P ) e Porto (isto é específico para o teu ordenador, e pode ser COM3, COM4, ttyUSB0, ttyACM0 etc.).
4. Finalmente, pulsamos o botón Subir (o que aparece marelo na seguinte imaxe) para cargar o firmware no Arduino Nano de Luci: isto iniciará o proceso que se mostrará na parte inferior da ventá, tanto no panel negro como a través das notificacións. Primeiro compilarase o firmware e logo comezarase a cargar no Arduino Nano a través do cable USB.
O proceso estará rematado cando apareza a notificación de «Subido» na parte inferior. Se todo foi ben, xusto cando remate, e se xa tes a Escornabot Luci montada, deberías escoitar pitala e saudarte ca melodía inicial: está lista!
